Reglur um sýningarhald

Reglur um sýningarhald í fjölnotasal Bókasafns Kópavogs og Náttúrufræðistofu Kópavogs

  • Sýningarrýmið er veggir í fjölnotasal í Hamraborg 6a og er endurgjaldslaust. Umsjón sýningarhalds er í höndum Bókasafns Kópavogs.
  • Hver sýning stendur yfir í einn mánuð. Ný sýning er sett upp fyrsta virka dag hvers mánaðar og er tekin niður síðasta virka dag hvers mánaðar.
  • Sýningarrýmið er opið á afgreiðslutíma hússins nema þegar aðrir viðburðir eru í salnum.
  • Sýnendur skulu hafa náð 18 ára aldri og ganga Kópavogsbúar að öllu jöfnu fyrir.
  • Bókasafnið áskilur sér rétt til að velja úr innsendum umsóknum. Viðmiðið er að sýningarefnið hæfi almenningsbókasafni og særi ekki blygðunarkennd fólks.
  • Starfsfólk bókasafnsins aðstoðar við uppsetningu sýningar.
  • Bókasafnið auglýsir sýninguna eins og aðra viðburði á safninu. Sýnendur skulu nota kynningarefni frá bókasafninu ef þeir óska eftir að auglýsa sýninguna á eigin vegum. Sýnendur útbúa sjálfir sýningarskrá ef þeir óska þess.
  • Sýnendum stendur til boða að halda opnunarhóf. Athugið að áfengi er ekki leyft í húsinu.
  • Tryggingar hússins að Hamraborg 6a tryggja vatnstjón, bruna og innbrot á meðan á sýningu stendur. Að öðru leyti taka Bókasafn Kópavogs og Náttúrufræðistofa Kópavogs enga ábyrgð á verkum né tryggja verk sýnenda sérstaklega.
  • Sýnendur sjá sjálfir um sölu á verkum sínum ef þau eru til sölu.
  • Sýnendur eru beðnir um að snúa sér til sýningarteymis bókasafnsins ef einhverjar spurningar vakna.

Sýningarteymi bókasafnsins skipa: Ragna Guðmundsdóttir, Gréta Björg Ólafsdóttir og Bylgja Júlíusdóttir.