Sumarspírur Menningarhúsanna á aðalsafni

27.07.2021 - 29.07.2021

Sumarspírur Menningarhúsanna í Kópavogi verða á aðalsafni dagana 27. – 29. júlí. Boðið verður upp á búningasmiðju innblásna af sögupersónum Astrid Lindgren með hliðsjón af Heimsmarkmiðum Sameinuðu þjóðanna.

Menningarhúsin í Kópavogi bjóða upp á listsmiðjur í sumar fyrir börn á grunnskólaaldri. Smiðjurnar eru ókeypis og verða alla þriðjudaga, miðvikudaga og fimmtudaga, milli 13.00 og 15.00, með fyrirvara um breytingar. Leikið verður með einkenni allra húsa; bókmenntir, náttúru, sögu, tónlist og myndlist, svo öll ættu að finna sér eitthvað við hæfi. Heildardagskrá má finna hér.

Umsjón með smiðjunum hafa Anja Ísabella Lövenholdt, listfræðingur og meistaranemi í menningarstjórnun við Háskólann Bifröst, Ásthildur Ákadóttir, tónlistarkona og meistaranemi í hljóðfærakennslu við Listaháskólann, Bjartur Örn Bachmann, annars árs nemi á sviðshöfundabraut við Listaháskólann og Hlökk Þrastardóttir, myndlistarnemi við Listaháskólann.

Smiðjurnar verða tengdar þriggja ára alþjóðlegu verkefni sem ber heitið Vatnsdropinn og er samstarfsverkefni Menningarhúsanna í Kópavogi og þriggja annarra safna á Norðurlöndunum. Eitt meginstef Vatnsdropans er að tengja saman boðskap og gildi Heimsmarkmiða Sameinuðu þjóðanna um sjálfbæra þróun við sígild skáldverk barnabókahöfunda á borð við Tove Jansson, Astrid Lindgren og H.C. Andersen.

Fylgist með í Facebook-hópnum Sumarspírur Menningarhúsanna í Kópavogi!