Kristín Berta Sigurðardóttir er útskrifaður heilsunuddari frá heilbrigðisskólanum í Fjölbraut í Ármúla. Hún á einnig yfir 20 ára feril að baki í fjármálageiranum og er með gráðu í mannauðsstjórnun. Kristín Berta á og rekur fyrirtækið ,,Birta Heilsa” og býður þar upp á ýmsar heilsutengdar meðhöndlanir, jafnt fyrir einstaklinga sem hópa.
Í þessum fyrirlestri fer Kristín Berta yfir það hvernig hægt er, með einföldum hætti að bæta heilsu sína. Hún leggur mikla áherslu á í starfi sínu, að vinna heildrænt með fólki, enda erfitt að aðskilja hið líkamlega frá hinu andlega og sálræna, þetta hangir nefnilega allt saman.
Viðburðurinn er hluti af geðræktarviku Bókasafns Kópavogs sem haldin er til að styðja við og vekja athygli á gulum september.
Frítt er inn og öll velkomin meðan húsrúm leyfir.
