Á fundinum 18. nóvember tökum við fyrir bókina Þar sem fjórir vegir mætast eftir Tommi Kinnunen.
María er ung ljósmóðir, sjálfstæð og úrræðagóð, en það þykir samtíðarfólki hennar tortryggilegt. Með tímanum öðlast hún verðskuldaðan virðingarsess, en geldur hann dýru verði. Lahja, dóttir Maríu, er fædd utan hjónabands og dreymir um að öðlast ýmis lífsgæði sem móðir hennar neitaði sér um hennar vegna. Að stríðinu loknu snýr hún aftur í sviðnar rústirnar af heimabæ sínum ásamt eiginmanninum Onna, sem fær ekki höndlað hamingjuna. Áratugum síðar á Karína eftir að setja mark sittá gleðisnautt hús tengdaforeldranna og brjóta niður þrúgandi múra þagnarinnar.
Ósmann er skáldsaga byggð á ævi Jóns Magnússonar, ferjumanns í Skagafirði. Frásögnin er feiknavel skrifuð, hjartnæm og heillandi – sannkallaður yndislestur.
Bækurnar á náttborðinu er lesklúbbur á Lindasafni sem hentar öllum þeim sem vilja hittast og spjalla um bækurnar sem eru á náttoborðinu. Við lesum eina bók fyrir hvern fund og svo gefst tækifæri til að ræða þær bækur sem eru okkur efst í huga.
Öll velkomin meðan húsrúm leyfir. Heitt á könnunni. Hlökkum til að sjá ykkur.
