Friðgeir Einarsson og Bragi Páll Sigurðsson sendu fyrir síðustu jól frá sér skáldsögurnar Serótónínendurupptökuhemla og Kjöt sem báðar hafa báðar hlotið fyrirtaks viðtökur. Greina má sameiginlega þræði í þessum skáldsögum; rithöfundinum Eiríkur Örn Norðdahl fundust líkindin svo sláandi að líklega leyndist að baki skáldsögunum einn og sami maðurinn!
Hér hittast þeir félagar og bera saman bækur sínar í síðkvöldsstund á Bókasafni Kópavogs ásamt sköpunarverkum sínum, myndlistarmanninum Sturlaugi og hinum þjakaða Reyni. Lofa má fjörugri kvöldstund með þessum frábæru listamönnum og okkur gefst tóm til að velta því fyrir okkur hvort þeir Bragi Páll og Friðgeir séu tveir, eða einn. Dr. Jekyll og Mr. Hyde?
Öll hjartanlega velkomin á meðan húsrúm leyfir.
Lista- og menningarráð Kópavogsbæjar styrkir Safnanótt og Vetrarhátíð í Kópavogi 2024.
*Til stóð að Bergþóra Snæbjörnsdóttir kæmi fram ásamt Braga Páli en sú heimsókn frestast þar til síðar.
