Í sumar hefur hópurinn Bacterial Girls tekið bakteríusýni af mörgum af helstu kennileitum Kópavogs og ræktað þau.
Mynstrin sem bakteríurnar mynda eru svo skönnuð inn og mynda þau skapalón. Verkið sýnir hvernig bakteríur lifa í sínu míkrókosmósi, þar sem ótal einstaklingar sameinast og vinna saman sem endurspeglar líf okkar.
Á þessari smiðju er í boði að koma með eigin boli og gefa þeim nýtt líf. Hópurinn notar sólarprent-aðferð til að færa myndirnar af sýnunum yfir á bolina.
Það verður opið hús á 1. hæð Bókasafns Kópavogs frá kl. 13-16 og hægt er að mæta hvenær sem er á milli kl. 13 og 15 þar sem prentunin tekur um klukkustund. Úrklippu og teikniborð verður á staðnum sem hægt er að nota á meðan bolurinn verður til.
