Litríkar furðuverur verða til í skemmtilegri grímusmiðju með ÞYKJÓ.
Hrekkjavaka er á næsta leyti og af því tilefni býður Bókasafn Kópavogs börnum og fjölskyldum til skapandi samveru þar sem hægt er að töfra fram sinn eigin hrekkjótta furðufugl með aðstoð hönnuða ÞYKJÓ.
Aðgangur er ókeypis og öll hjartanlega velkomin á meðan húsrúm leyfir.
Fjölskyldustundir á laugardögum eru styrktar af lista- og menningarráði Kópavogsbæjar.
**
ÞYKJÓ er hópur hönnuða með fjölbreyttan bakgrunn sem samnýta ólíka sérþekkingu í teymisvinnu sinni. Innan vébanda ÞYKJÓ eru arkitekt, fatahönnuður og klæðskeri, leikmynda- og búningahönnuður.
Hópurinn vinnur einnig náið með listafólki, vísindamönnum og fræðifólki á borð við uppeldisfræðinga, líffræðinga, listfræðinga og a og síðast en ekki síst – með börnum.
