Verið velkomin á notalega hausttónleika á Bókasafni Kópavogs með Eydísi Elfu Örnólfsdóttur, Guðrúnu Ásgeirsdóttur og Þorvaldi Sigurbirni Helgasyni sem stunda öll nám í rytmískum söng við söngdeild Tónlistarskóla FÍH. Tónleikarnir fara fram á annari hæð safnsins, standa yfir í um hálfa klukkustund og eru öllum opnir á meðan húsrúm leyfir. Aðgangur ókeypis.
Eydís Elfa Örnólfsdóttir er tónlistarkona, fatahönnuður og stundar núna nám í gull- og silfursmíði ásamt því að vera á sínu þriðja ári í rytmískum söng við Tónlistaskóla FÍH.
Guðrún Ásgeirsdóttir er á þriðja ári í rytmísku söngnámi við FÍH ásamt því að stunda nám í þroskaþjálfafræði við Háskóla Íslands.
Þorvaldur Sigurbjörn Helgason er skáld og tónlistarmaður í hjáverkum. Þorvaldur starfar sem akademískur verkefnastjóri hjá Listaháskóla Íslands, stundar framhaldsnám í rytmískum söng við Tónlistarskóla FÍH og er meðlimur í kórnum Klið.
Annað árið í röð bjóða framhaldsnemendur af söngdeild Tónlistarskóla FÍH til ljúfra hádegistónleika á Bókasafni Kópavogs. Tónleikarnir fara fram síðasta fimmtudag hvers mánaðar en þar stíga tónlistarstjörnur framtíðarinnar á stokk með spennandi blöndu af gömlu og nýju, lög sem öll þekkja í bland við sjaldheyrðari smelli.
Aðgangur ókeypis og öll hjartanlega velkomin á meðan húsrúm leyfir.
