Íris Eva Ellenardóttir Magnúsdóttir
Verkefnið hula er skúlptúrasería sem er innblásin af álfum og huldufólki. Viðfangsefnin eru óræð og dulúðarfull. Hulin, ósýnileg, en samt til staðar og skúlptúr er tilvalin miðill til þess að tjá hinn hliðstæða og falda, heim sem álfar og huldufólk tilheyra. Efniskennd skúlptúranna mun einkennast af mýkt og sveigjanleika. Textíllinn er hula sem sýnir í stað þess að fela og markmið verkefnissins er ekki að lyfta hulunni, heldur nota hana sem efnivið. Markmiðið er að skapa innsetningu ólíkra mjúkra skúlptúra sem vísa í álfa og huldufólk, og einnig óræðni og dulúð “hulunar” í víðara samhengi.
