Á fundinum 5. september tökum við fyrir bókina Vindurinn veit hvað ég heiti eftir Isabel Allende.
Samúel var eitt þeirra evrópsku gyðingabarna sem forðað var frá útrýmingarbúðum nasista og flutt í fóstur í Bretlandi, Leticia flúði með pabba sínum fjöldamorð í El Salvador og settist að í Bandaríkjunum og Anita var tekin frá móður sinni í flóttamannabúðum við landamæri Mexíkó og Bandaríkjanna og færð á vistheimili fyrir fylgdarlaus flóttabörn. Mörgum árum síðar liggja leiðir þeirra saman.
Saga Isabel Allende talar beint inn í samtímann og tekst á við eitt mest aðkallandi viðfangsefni alþjóðasamfélagsins fyrr og nú. Hún daðrar við töfraraunsæið, sem hún er hvað þekktust fyrir, og segir frá sterkum og sjálfstæðum einstaklingum og hjartnæmri ástarsögu.
Bókaklúbburinn hentar öllum hressum konum sem vilja hittast, lesa á milli línanna og spjalla um yndislestur á léttu nótunum. Lesin er ein bók á mánuði sem er svo rædd fyrsta fimmtudag í mánuði á fundum klúbbsins.
Allar konur velkomnar á meðan húsrúm leyfir. Hlökkum til að hitta ykkur!
Fylgist með í Facebook-hópnum Lesið á milli línanna | Bókasafn Kópavogs.
Hjartanlega velkomnar!
