Litateppi með Huga Llanes – smiðja í vetrarfríi fyrir börn á öllum aldri.
Í þessari listasmiðju munu þátttakendur búa til stórt „teppi“ úr pappa en þá munu þátttakendur skiptast á að leggjast á pappaörkina meðan annar gerir útlínuteikningu af líkamanum með skærum pastelkrítum. Allir geta síðan skreytt útlínurnar með mynstrum og litum sem endurspegla ólíka persónuleika. Þegar fleiri form bætast við breytist pappinn svo í líflega mynd af líkömum í mismunandi stærðum, stellingum og litum.
Litateppið verður tákn um þá samveru og gleði. Þá býður smiðjan tækifæri til sköpunar, samvinnu, aukinnar líkamsvitundar og virðingar fyrir fjölbreytileikanum í öllum sínum myndum, þar sem börn og fullorðnir sjá sig sem hluta af sameiginlegu listaverki. Listasmiðjan er leidd af listamanninum Hugo Llanes.
Hugo Llanes (f. 1990) er mexíkóskur listamaður, búsettur í Reykjavík, sem styðst við ólíka miðla í listsköpun sinni, svo sem gjörninga og innsetningar. Hugo er með MA-próf í myndlist frá Listaháskóla Íslands.
Vetrarfrí í grunnskólum Kópavogs 19.-20. febrúar
Aðalsafn
19. febrúar
10:00-11:30 | Bíósýning
12:00-14:00 | Mangasmiðja – myndasögugerð (11+)
14:00-16:00 | LeðurBLÖKU teiknismiðja með Rán Flygenring (Náttúrusafn Kópavogs)
15:00-17:00 | Upplýsingaóreiða: Öryggi barna á netinu (bás í barnadeild)
20. febrúar
08:00-18:00 | Litum dýramyndir (Náttúrusafn Kópavogs)
10:00-11:00 | Örleiðsögn um Náttúrsafnið (Náttúrusafn Kópavogs)
11:00-13:00 | Litateppið smiðja
14:00-16:00 | Teiknismiðja með Systu (Náttúrusafn Kópavogs)
Lindasafn
19. febrúar
13:00-15:00 | Barmmerkjasmiðja
13:00-18:00 | Komdu að lita
20. febrúar
13:00-18:00 | Komdu að lita
