Nærandi og skemmtileg söngstund fyrir alla fjölskylduna með Ragnheiði Gröndal söngkonu og Guðmundi Péturssyni gítarleikara. Hér gefst börnum og fjölskyldum einstakt tækifæri til að upplifa íslenska ljóð- og kveðskaparlist í gegnum tónlist, söng og sögur úr ólíkum áttum, lög og ljóð sem við þekkjum og eigum saman. Aðgangur á söngstundina er ókeypis og öll hjartanlega velkomin á meðan húsrúm leyfir.
—-
Ragnheiður og Guðmundur hafa verið í framvarðarsveit íslenskra tónlistarmanna um áratugaskeið. Þau hafa komið fram í fjölmörgum og ólíkum tónlistarverkefnum hérlendis og erlendis og starfað með tónlistarfólki og sveitum þvert á tónlistarstefnur og strauma og í alls kyns samhengi.
Þau hafa hlotið fjölmargar viðurkenningar og verðlaun á ferli sínum, má þar nefna Íslensku tónlistarverðlaunin sem þau hafa bæði hlotið margsinnis.
—-
Viðburðurinn er liður í Fjölskyldustund á laugardögum og Dögum ljóðsins sem styrkt eru af lista- og menningarráði Kópavogsbæjar.
