Sögustund í barnadeild bókasafnsins á Safnanótt.
Þorvaldur Davíð les úr Sokkalöbbunum á Safnanótt kl. 18:00.
Aðgangur ókeypis og öll innilega velkomin.
Viðburðurinn er liður í dagskrá Safnanætur í Kópavogi sem styrkt er af Menningar- og mannlífsnefnd Kópavogsbæjar.
Í landi Sokkalabbanna búa tilfinningaríkir sokkar í ýmsum litum. Með lestri bókarinnar læra börn að tala um og skilja hinar ýmsu tilfinningar, hvort sem þær eru erfiðar, skrítnar eða skemmtilegar.
Höfundar bókarinnar eru rit-og myndhöfundurinn Bergrún Íris Sævarsdóttir og leikarinn Þorvaldur Davíð Kristjánsson. Hér taka þau höndum saman í gullfallegri sögu fyrir lítil börn með stórar tilfinningar.
