Sumarblóm í öllum regnbogans litum verða til í þessari notalegu fjölskyldusmiðju í tilefni Barnamenningarhátíðar.
Börn og fjölskyldur geta komið saman, mótað litskrúðug sumarblóm úr silkipappír og málað og skreytt ílát fyrir blómin til að hvíla í. Hægt verður að taka blómin og ílátin með sér heim að smiðju lokinni.
Smiðjan fer fram á Lindasafni milli klukkan 16 og 18. Hægt verður að koma við þegar hverjum og einum hentar og dvelja lengi eða stutt eftir aðstæðum.
Aðgangur er ókeypis og öll innilega velkomin. Gert er ráð fyrir að börn séu í fylgd með forráðafólki.
