Takk kærlega fyrir þátttökuna. Þið stóðuð ykkur svakalega vel!
Sumarlestur er skemmtilegt lestrarátak fyrir 5-12 ára börn.
Þátttaka er ókeypis og öll geta verið með.
Skráning er opin!
Eftir hverjar þrjár lesnar bækur geta þátttakendur sent inn happamiða.
Dregið er úr happamiðum vikulega frá júní. Vinningur í boði!
21. maí kl. 17:00
Sumarlestrargleði, upphaf sumarlestrar verður þriðjudaginn 21. maí kl. 17 á aðalsafni þegar rithöfundur kemur og talar við hressa sumarlestrarkrakka.
22. ágúst
Fimmtudaginn 22. ágúst verður uppskeruhátíð á aðalsafni bókasafnsins. Öll börn sem mæta fá glaðning.
Þátttakendur í sumarlestri fara á póstlista og fá áminningar og skemmtilegar lestrarhvatningar nokkrum sinnum yfir sumarið. Hægt er að afskrá sig af póstlistanum hvenær sem er.
Eftir hverjar þrjár lesnar bækur geta þátttakendur sent inn happamiða hér á vefnum eða fyllt slíkan út á bókasafninu.
Happamiðarnir eru settir í pott og vinningshafi er dreginn út í hverri viku í allt sumar.
© Sumarlestrarmyndirnar teiknaði Lóa Hlín Hjálmtýsdóttir.
Bókamerki og útprentaðar þrautabækur með þessum skemmtilegu myndum fást gefins á Bókasafni Kópavogs.
Upplýsingar sem þátttakendur skrá á síðuna eru aldrei afhentar þriðja aðila.
Öllum persónugreinanlegum upplýsingum er eytt þegar sumarlestri er lokið.
Lestraráskorun og ofurhetjuspil fyrir hressa sumarlestrarkrakka.
Bókasafn Kópavogs, ásamt öðrum almenningsbókasöfnum á landinu, býður öllum krökkum upp á skemmtilegt sumarlestrarspil.
Svo settu á þig ofurhetjuskikkjuna og nældu þér í þitt eintak á næsta bókasafni, því lestur veitir ofurkraft!
Sumarlestrarspilið inniheldur sex lestraráskoranir. Lestraráskorunin er að ná að lesa samanlagt í ákveðinn fjölda mínútna sem lestrarhetjan setur sér í samráði við foreldri eða annan fullorðinn sem kvittar svo fyrir í hvert sinn sem lestrarhetjan lýkur áskorun. Þá skundið þið á næsta bókasafn með staðfestinguna og fáið nýjan límmiða til að líma á spilaborðið sem gerir spilið enn skemmtilegra!
Spilaborðið er mynd af Skarkalabæ. Í Skarkalabæ er allt í rugli! Það þarf að bjarga fólki og furðuverum úr bráðri hættu og það strax! Þú getur verið lestrarhetjan sem bjargar deginum með aðal ofurkraftinum, orðaforðanum! Spilið er samvinnuspil þar sem spilarar hjálpast að við að bjarga fólki og furðuverum í vanda. Spilarar skiptast á að vera hetjan á meðan hinir giska á hverjum/hverju lestrarhetjan ætlar að bjarga á myndinni.
Myndirnar í spilinu eru eftir Bergrúnu Írisi Sævarsdóttur og borðspilið er hannað af Steingerði Lóu Gunnarsdóttur. Hugmyndavinnan er unnin í samstarfi við vinnuhóp sem er skipaður af barnabókavörðum á almenningsbókasöfnum um allt land og er efnið gefið út af Miðstöð menntunar og skólaþjónustu.
Hamraborg 6a
200 Kópavogur
Skráðu þig á fréttabréf Bókasafns Kópavogs:
HAFÐU SAMBAND OG FYLGSTU MEÐ
OPNUNARTÍMI BÓKASAFNS KÓPAVOGS
mán til fös
kl. 8-18
laugardaga
kl. 11-17
mán til fös
kl. 13-18
laugardaga
kl. 11-15*
*lokað á laugardögum í júní, júlí og ágúst
Opið mánudaga – föstudaga
kl. 8-18
Opið laugardaga
kl. 11-17
Opið mánudaga – föstudaga
kl. 13-18
Opið laugardaga
kl. 11-15
Skráðu þig hér á fréttabréf Bókasafns Kópavogs:
