Spurningu sem þessari er velt fyrir sér á smiðju á vegum Bókasafns Kópavogs sem unnin er með börnum á aldrinum tíu til tólf ára í Álfhólsskóla og Kópavogsskóla um þessar mundir.
Öll hafa börnin það sameiginlegt að eiga rætur að rekja til annars lands en Íslands. Markmið smiðjunnar er að opna á hugtakið heima og hvað það þýðir. Hugtakið er víðskilið og felur í sér sterkar tilfinningar og allskyns tengingar. Smiðjunni er hagað þannig að börnin kíkja í heimsókn í þrjú skipti og hitta þar verkefnastjóra og starfsmann bókasafnsins og saman velta þau hugtakinu fyrir sér. Börnin vinna svo texta með myndefni sem þau ráða sjálf hvort sé teikning eða jafnvel ljósmynd. Afrakstur smiðjunnar verður til sýnis á 1. hæð bókasafnsins á Barnamenningarhátíð dagana 8. til 13. apríl og gefst safngestum þá einnig færi á að svara spurningunni: Hvað er heima fyrir þér? Og bæta sínu svari eða mynd við sýningu barnanna. Verkefnið endurspeglar markmið bókasafnsins um að efla og styrkja það fjölmenningarlega samfélag sem við búum í og að veita röddum barnanna hljómgrunn.
05
ágú
