Kaðlín-konurnar okkar frábæru halda áfram að prjóna til góðs úr því gjafagarni sem barst Bókasafni Kópavogs í haust.
Enn er talsvert eftir af vetri og er nokkuð víst að góðar íslenskar lopapeysur frá hópnum eru að fara að gera lífið betra fyrir marga. Peysur, húfur, vettlingar og sokkar er meðal þess sem kæru handavinnukonurnar okkar eru búnar að leggja mikla vinnu í að búa til og voru gefin þeim sem þurftu fyrir jólin. Hannyrðaklúbburinn Kaðlín hittist vikulega á bókasafninu, miðvikudaga kl. 14 og bjóðum við alla velkomna að kíkja við í hópinn, og ná góðu spjalli á meðan hinar ýmsu gersemar verða til úr allskonar garni. Nánari upplýsingar má finna á heimasíðu safnsins og samfélagsmiðlum.
03
jan
