Smásafnið opnar í Kópavogi

Menningarhúsunum í Kópavogi fjölgar um eitt í dag, þegar opnað verður Smásafnið í öllum menningarhúsunum. Safninu er ætlað að halda í við hraðann í samfélaginu og auka þjónustu við gesti menningarhúsanna.

„Við höfum orðið vör við að framboðið af list er orðið svo mikið, að fólk hefur ekki tíma til að njóta hennar“ segir Soffía Karlsdóttir, forstöðumaður menningarmála í Kópavogi. „Gestir okkar hafa kallað eftir lausnum og við teljum að við höfum fundið leið til að koma til móts við þessar þarfir“ heldur hún áfram.

Menningarhúsin í Kópavogi, Bókasafn Kópavogs, Gerðarsafn, Náttúrufræðistofa og Salurinn, bæta nú við fimmta safninu. Smásafnið, mun bjóða upp á það besta úr öllum heimum, en þar hefur verið unnið að því, með hjálp gervigreindar og þrívíddarprentunar að stytta bækur, smækka listaverk, stytta tónverk og halda örverusýningu.

„Okkar upplifun er sú að fólk hafi ekki lengur tíma til að lesa, og til að viðhalda lestri komum við til móts við þarfir okkar lánþega með því að stytta bækurnar. Við erum svo heppin að hér eru gefnar út fjölmargar bækur ár hvert, en tíminn af skornum skammti og fólk að lenda í vandræðum með að komast yfir allar þær bækur sem það langar að lesa“ segir Lísa Z. Valdimarsdóttir, forstöðumaður Bókasafns Kópavogs. „Til þess að aðstoða okkur við þetta notuðum við gervigreind sem tekur öll aðalatriðin út og styttir niður í bók, þar sem sagan er sögð, en þó án þess að það komi niður á gæðum. Engin bók á að taka lengri tíma í lestri en 8 mínútur.“

Axel, forstöðumaður Salarins, tekur í sama streng, nema út frá tónlist. „Fólk langar að gerast sérfræðingar í gömlu meisturunum, Beethoven, Bach, Mozart og fleirum. Til að gera fólki það kleift höfum við stytt öll verk hvers höfundar með aðstoð gervigreindar í stutta syrpu sem er innan við þrjár mínútur í hlustun. Við sjáum jafnvel fyrir okkur að fylgja þessu eftir með smátónleikaröð, sem yrði aldrei lengri en 15 mínútur.

Svipaða sögu er að segja af Gerðarsafni og Náttúrufræðistofu. Listaverkin eru mörg og fólk langar að skoða þau öll í einni beit. Því hafa þau verið smækkuð með aðstoð þrívíddarprentunar og nú hægt að skoða öll verk Gerðar með lítilli fyrirhöfn á mjög stuttum tíma. Örverur eru svo stoð vistkerfisins og hafa ekki fengið næga athygli, að mati Huldu, verkefnastjóra Náttúrufræðistofu enda fagnar hún því að geta boðið gestum safnsins á líta inn í þennan smáheim.

„Við erum afar hamingjusöm með þetta framtak og teljum okkur hafa stigið risastórt smáskref inn í nútímann“ segir Soffía að lokum.

Við bjóðum ykkur velkomin í opnunarhóf í dag kl. 12

Smábitar í boði og hvetjum öll til þess að koma og fagna með okkur.

Deildu þessari grein

TENGDIR
VIÐBURÐIR

03
apr
15:00

Lesið á milli línanna

Aðalsafn
04
apr
11:00

Get together

Aðalsafn
05
apr
11:30

Lesið fyrir hunda

Aðalsafn
07
apr
14:00

Bróderíklúbburinn

Lindasafn
07
apr
12:00

Stólajóga

Aðalsafn
slökunarjóga
08
apr
08
apr
15:00

Spilaklúbbur | 13-17 ára

Aðalsafn | 3. hæð
08
apr
16:30

Rabbað um erfðamál

Aðalsafn | 2. hæð
09
apr
10
apr
17:00

Íslenskar lækningajurtir

Aðalsafn
10
apr
10:00

Uppeldi barna

Aðalsafn
11
apr
11:00

Get together

Aðalsafn

Sjá meira

NÝJUSTU FRÉTTIR

Aðalsafn

mán-fös
8-18
lau
11-17
sun
Lokað

Lindasafn

mán-fös
13-18
lau
11-15
sun
Lokað

Aðalsafn

mán-fös
8-18
lau
11-17
sun
Lokað

Lindasafn

mán-fös
13-18
lau
11-15
sun
Lokað