Rannveig Guðmundsdóttir, fyrrverandi bæjarfulltrúi og þingmaður, heldur áhugavert erindi um sögu merkra kvenna í stjórnmálum í Kópavogi.
Í erindi sínu mun hún fjalla um Huldu Dóru Jakobsdóttur fyrrverandi bæjarstjóra sem var fyrsta konan á Íslandi sem varð bæjarstjóri og Svandísi Skúladóttur fyrrverandi bæjarfulltrúa sem var fyrsta konan er tók sæti í bæjarstjórn sem aðalfulltrúi.
Þá mun Rannveig fjalla um hvernig byggðin í Kópavogi þróaðist og áhrif kvenna á bæjarmyndina, en það var, m.a. Hulda sem fékk Gerði Helgadóttur til að gera steindu gluggana í Kópavogskirkju, og Högnu Sigurðardóttur til að hanna Sundlaug Kópavogs.
Léttar veitingar í boði.
Viðburðurinn er hluti af verkefninu LÆSI Á STÖÐU OG BARÁTTU KVENNA | Samstarfsverkefni almenningsbókasafna um land allt í tilefni Kvennaárs 2025
Bókasafnasjóður veitti styrk til verkefnisins.
