Hvað er geðheilsa og hvernig geta unglingar stundað geðrækt? Í þessu erindi verður leitast við að svara þessum spurningum. Farið verður yfir grundvallaratriði geðræktar og hvernig er hægt að sinna geðheilsunni, jafnvel í dagsins önn. Meðal þess sem fjallað verður um er núvitund, streita, slökun, sjálfsmynd og sjálfstraust. Einfaldar leiðir til geðræktar verða kynntar og prófaðar eftir því sem við á.
Öll ungmenni og foreldrar þeirra eru velkomin.
Lilja Ósk Úlfarsdóttir er sálfræðingur með doktorspróf frá Englandi og framhaldsskólakennari. Hún starfar við Kvennaskólann í Reykjavík þar sem hún hefur m.a. kennt geðrækt um árabil. Hennar áhugasvið hefur alltaf verið forvarnir og í sínu doktorsnámi rannsakaði hún áhrif skapandi hugsunar á félagslega færni barna. Auk þess á Lilja fortíð sem músíkmeðferðarfræðingur og kemur tónlistinni að í öllu sínu starfi.
Erindið er hluti af geðræktarviku Bókasafns Kópavogs sem haldin er til að styðja við og vekja athygli á gulum september.
Frítt er inn og öll velkomin meðan húsrúm leyfir.
