Íris Ann hefur notað tarotspil frá unga aldri og haldið fjölda námskeiða um hvernig nota megi spilin í daglegu lífi. Hér mun hún segja frá því hvernig hún notar spilin, hver saga þeirra er og hvað þau tákna fyrir henni. Að því loknu gefst tími til spurninga og spjalls.
Íris Ann er ljósmyndari, listamaður, fyrrum eigandi Coocoo‘s Nest og kaffihússins Lólu Florens. Hún er lærð í höfuðbeina- og spjaldhryggjarmeðferð sem í stuttu máli er eins konar heilun og jafnframt er hún lærð í Kundalini Activation sem er orkuvinna.
Fimmtudaginn 22. maí efnum við til konukvölds á löngum fimmtudegi á Bókasafni Kópavogs. Tarotspil, draumráðningar og fleiri skemmtiatriði verða á dagskrá.
Viðburðurinn verður í ljóðahorni á 2. hæð aðalsafns.
Öll velkomin á meðan húsrúm leyfir.
