Hvernig og hvenær dreifðist mannkynið um heiminn? Hvar og hvernig urðu til meginleiðir milli þeirra á nýjan leik sem loks hafa leitt til alheimsvæðingarinnar?
Rafleiðin lá frá Eystrasalti suður til Mið-Evrópu og Miðjarðarhafslanda. Eftir henni fluttu kaupmenn hið fáséða raf sem fannst á ströndum Eystrasaltsins og seldu það menningarþjóðunum syðra; Grikkjum, Rómverjum og jafnvel Egyptum.
Jón Benedikt Björnsson fjallar um dreifingu mannkyns um heiminn í erindi sínu á aðalsafni. Jón er sálfræðingur að mennt og var lengi félagsmálastjóri á Akureyri, þá sviðsstjóri hjá Reykjavíkurborg en eftir það starfaði hann sem ráðgjafi, rithöfundur, fyrirlesari og við kennslu.
Viðburðurinn er annar í fyrirlestraröðinni Vegirnir um heiminn sem haldin er í fjölnotasalnum á 1. hæð. Öll velkomin á meðan húsrúm leyfir.
