Karen Lind Gunnarsdóttir sálfræðingur hjá Heilsugæslu Kópavogs kemur og fræðir okkur um skjátíma og þroska barna.
Fjallað verður um samspil skjátíma við þroskaferli barna, hvernig eigin reynsla barns stýrir uppbyggingu heilans og mikilvægi fjölbreyttrar örvunar til að ýta undir þróun mikilvægrar færni í lífi barna. Farið verður inn á áhrif og hlutverk umönnunaraðila þegar kemur að þroskaferlinu og skjátíma en einnig fjallað um verkfæri sem umönnunaraðilar geta nýtt sér í sinni uppeldisáætlun um skjátíma.
Foreldramorgnar eru frábært tækifæri fyrir foreldra og ung börn þeirra til að hittast og eiga rólega stund saman á safninu.
Fylgist með í Facebook-hópnum Foreldramorgnar | Bókasafn Kópavogs.
Ókeypis aðgangur og öll velkomin.
