Elías

Auður Haralds

Auður Haralds fæddist í Reykjavík 1947. Snemmfullorðin stefndi hún á frekara nám en skylda var fyrir en samfélagsleg höft komu í veg fyrir að hún gengi menntaveginn. Hún fór ung út á atvinnumarkaðinn, var komin með fasta vinnu 10 ára og í fulla vinnu strax eftir gagnfræðanám. Hún vann meðal annars við blaðamennsku, sem þýðandi, í verksmiðju og við skrifstofustörf. Fyrsta bók Auðar, Hvunndagshetjan: þrjár öruggar aðferðir til að eignast óskilgetin börn, kom út 1979 og vakti strax mikla athygli fyrir feminísk efnistök og opinskáa umræðu um kvennakúgun. Bækurnar tvær sem á eftir fylgdu, Læknamafían – Lítil pen bók eftir Auði Haralds og Hlustið þér á Mozart?, slógu á svipaða strengi, sem og síðari bækur Auðar. Síðasta bók hennar var Hvað er Drottinn að drolla? (2022) sem birtist upprunalega sem framhaldssaga á veftímaritinu strik.is um aldamótin. Auður lést í upphafi árs 2024.

Valdís Óskarsdóttir

Valdís Óskarsdóttir er fædd á Akureyri árið 1949. Hún nam kvikmyndaklippingu við Danska kvikmyndaháskólann og útskrifaðist þaðan 1991 en hafði áður stundað nám í ýmsum þáttum kvikmyndagerðar og ljósmyndunar víða um Svíþjóð. Á meðan náminu í Svíþjóð stóð sendi hún frá sér fimm barnabækur, þeirra fyrsta Fýlupúkana 1976 og loks Elías í samvinnu við Auði Haralds. Valdís hefur einnig þýtt nokkrar bækur, skrifað útvarpsleikritahandrit og starfað sem ljósmyndari en hún er helst þekkt fyrir kvikmyndaklippingar sínar. Þeirra á meðal eru Stella í Orlofi, Sódóma Reykjavík og Eternal Sunshine of the Spotless Mind. Fyrir þá síðastnefndu hlaut Valdís Bafta-verðlaun árið 2004. Þá skrifaði hún einnig handrit að og leikstýrði kvikmyndinni Sveitarbrúðkaup (2008).