Sumarnámskeið 14. – 18. ágúst á Bókasafni Kópavogs.
Bókasafn Kópavogs býður skáldum á aldrinum 10 til 12 ára á stefnumót við rithöfunda á sumarnámskeiði í ágústmánuði. Námskeiðið er fimm dagar og stendur frá kl. 13:00 – 16:00 alla
dagana.
Krakkarnir kanna bókasafnið, lesa bækur, tala um bækur, leggja drög að sínum eigin bókum, kynnast því hvernig bækur verða til, og spjalla við höfunda uppáhaldsbókanna sinna. Einnig verður farið í vettvangsferðir í bókaforlög og prentsmiðju. Nýjir höfundar heimækja hópinn daglega, þeirra á meðal eru Gunnar Helgason og Sigrún Eldjárn.
Námskeiðið hentar öllum krökkum sem hafa gaman af því að segja sögur.
Að námskeiði loknu hafa krakkarnir fengið innsýn inn í störf rithöfunda og hafa prófað að skrifa sögur eftir ýmsum aðferðum. Þeir æfa sig að vinna bæði saman og sjálfstætt og þjálfa sig í að taka gagnrýni og veita hana. Ekki síður er mikilvægt tækifærið til að lesa bækur, skiptast á skoðunum um þær og læra að umbreyta lestri í sköpunarkraft.
Námskeiðsgjaldið er 6.000 kr og innifalið er síðdegishressing. Allir fá viðurkenningarskjal að námskeiði loknu.
Skráningar þurfa að berast á netfangið bokasafn@kopavogur.is fyrir 14. júlí. Athugið að takmarkaður fjöldi plássa er í boði.
Nánari upplýsingar veita Arndís Þórarinsdóttir og Gréta Björg Ólafsdóttir í síma 441 – 6800
15
okt
