Lista- og menningarráð Kópavogsbæjar efnir í átjánda sinn til ljóðasamkeppninnar um Ljóðstaf Jóns úr Vör.
Ljóðum skal skilað í fjórum eintökum undir dulnefni ekki síðar en 7. desember. Með hverju ljóði þarf að fylgja lokað umslag merkt dulnefninu sem inniheldur upplýsingar um nafn, símanúmer og netfang skáldsins. Einungis umslög sem tilheyra vinnings- og viðurkenningarljóðum verða opnuð en öllum öðrum gögnum fargað. Athugið að ljóðin mega ekki hafa birst áður. Ljóðstafurinn verður afhentur ásamt viðurkenningum sunnudaginn 20. janúar 2019 við hátíðlega athöfn í Salnum.
Verðlaunaafhendingin er liður í Dögum ljóðsins í Kópavogi
Nánari upplýsingar: menningarhusin@kopavogur.is
Skilafrestur í keppnina er til og með 7. desember 2018. Utanáskriftin er:
Menningarhúsin í Kópavogi:
Digranesvegi 1
200 Kópavogur
