Bókasafn Kópavogs hefur verið með ungbarnabox frá Finnska sendiráðinu til sýnis í sumar og haust. Sýningin var tekin niður í nóvember og var kassinn og innihald hans gefið þeirri fjölskyldu sem átti fyrsta barnið á höfuðborgarsvæðinu á Degi mannréttinda barna þann 20. nóvember síðastiðinn.
Hinir heppnu foreldrar voru Almar Kristmannsson og Helga Björg Jónasdóttir, ungir nýforeldrar sem eignuðust stúlkubarn, Heiði. Heiður fæddist níu vikum fyrir tímann og varði því fyrstu vikum ævinnar á vökudeild Landspítalans en fékk að koma heim um jólin við mikinn fögnuð fjölskyldunnar. Fengu þau kassann í hendurnar rétt fyrir jólin og afhentu Ann-Sofie Stude, sendiherra Finnlands, og Lísa Zachrison Valdimarsdóttir, forstöðumaður Bókasafns Kópavogs, pakkann sem á líklega eftir að koma sér vel fyrir par með fyrsta barn.
Starfsfólk Finnska sendiráðsins og Bókasafns Kópavogs óskar fjölskyldunni velfarnaðar og vonar að vel gangi að feta fyrstu sporin í foreldrahlutverkinu.
09
jún
