Höfundur Siggu Viggu 100 ára

Sýning um ævi og störf Gísla J. Ástþórssonar opnaði í fjölnotasal aðalsafns 16. mars og stendur til 11. apríl.

Þann 5. apríl verða 100 ár liðin frá fæðingu Gísla J. Ástþórssonar og af því tilefni blésu afkomendur hans í samvinnu við Bókasafn Kópavogs til sýningar þar sem leitast er við að gera rithöfundinum, blaðamanninum og teiknaranum Gísla J. Ástþórssyni skil. Samhliða sýningunni kom út heildarsafn bókanna um Siggu Viggu.

Sýningin opnaði við hátíðlega viðhöfn þann 16. mars og sótti fjöldi fólks opnunina.

Gísli J. Ástþórsson (1923-2012) var þekktur á sinni tíð sem blaðamaður, ritstjóri, rithöfundur, pistlahöfundur og teiknari. Gísli lærði blaðamennsku í háskóla í Bandaríkjunum árin 1943-45 og var sennilega fyrsti menntaði íslenski blaðamaðurinn. Gísli sló nýjan tón í blaðamennsku á Íslandi og lagði áherslu á fréttaflutning óháð flokkspólitík.

Gísli var fjölhæfur listamaður og eftir hann liggja skáldsögur, smásögur, barnabók, leikrit og útvarpsþættir. Gísli teiknaði m.a. ádeiluseríuna Þankastrik sem birtist í Morgunblaðinu sem athugasemdir um atburði líðandi stundar og vakti serían iðulega mikil viðbrögð. Hann varð þó þekktastur fyrir myndasögubækurnar um Siggu Viggu sem sprottnar eru úr íslenskum veruleika, útgerð og fiskvinnslu og segja frá lífi fiskvinnslustúlkunnar Siggu Viggu, vinkonu hennar Blíðu og samstarfsfólks. Sögurnar birtust fyrst í Alþýðublaðinu og svo í Morgunblaðinu.

„Þó hún sigri aldrei, þá hefur hún sínar leiðir, segist til dæmis alltaf þurfa að fara í jarðarför ömmu þegar það eru landsleikir. Hún er algjörlega óhrædd við yfirvaldið, hún er með stöðugt múður og hendir þorskhausum í þá sem henni líkar ekki við, líka í stóru karlana…. Húmorinn í þessum sögum er allsráðandi og þegar ég var að lesa þær allar aftur núna, þá rifjuðust upp fyrir mér hin fleygu orð: Konur eru hræddar við að karlar drepi þær, en karlar eru hræddir við að konur hlæi að þeim. “

segir Úlfhildur Dagsdóttir um kvenhetjuna Siggu Viggu í viðtali í Morgunblaðinu 11. mars 2023 en Úlfhildur skrifaði formála fyrir viðhafnarútgáfu Siggu Viggu bókanna sem komu út samhliða opnun sýningarinnar á Bókasafni Kópavogs þann 16. mars.

Deildu þessari grein

TENGDIR
VIÐBURÐIR

12
nóv
23
nóv
08:00

Sparifataskiptimarkaður

Aðalsafn | 2. hæð
17
nóv
18
nóv
14:00

Hannyrðaklúbburinn Kaðlín

Aðalsafn | handavinnuhorn
19
nóv
20:00

Jólabókaspjall

Aðalsafn | 2. hæð
19
nóv
13:00

Létt tækniaðstoð

Aðalsafn 2. hæð
19
nóv
16:00

Anime klúbbur fyrir 13-16 ára

Aðalsafn 3. hæð
21
nóv
11:30

Tala og spila

Aðalsafn
21
nóv
13:00

Jólasprettikort 

Aðalsafn 1. hæð
23
nóv
15:00

Bróderíklúbburinn

Lindasafn
24
nóv
25
nóv
14:00

Hannyrðaklúbburinn Kaðlín

Aðalsafn | handavinnuhorn

Sjá meira

Aðalsafn

mán-fös
8-18
lau
11-17
sun
Lokað

Lindasafn

mán-fös
13-18
lau
11-15
sun
Lokað

Aðalsafn

mán-fös
8-18
lau
11-17
sun
Lokað

Lindasafn

mán-fös
13-18
lau
11-15
sun
Lokað