Ert þú með góða hugmynd?

Kallað eftir hugmyndum um upplifunarrými og útisvæði menningarhúsanna.

Hugmyndasöfnun um nýja ásýnd og upplifun í Menningarmiðju Kópavogs var hleypt af stokkunum í morgun. Markmiðið er að skapa líflegt og heilsteypt svæði í og við menningarhúsin í Kópavogi í samvinnu við íbúa sem geta komið hugmyndum sínum á framfæri á vef hugmyndasöfnunarinnar.  

Óskað er eftir hugmyndum fyrir þrjú svæði. Í fyrsta lagi upplifunar- og fræðslurými á fyrstu hæð Safnahúss Kópavogs sem hýsir Bókasafn Kópavogs og Náttúrufræðistofu. Í öðru lagi útisvæðin við menningarhúsin sem afmarkast af Safnahúsi, Salnum, Gerðarsafni og Borgarholtsbraut. Í þriðja lagi er óskað eftir hugmyndum fyrir Hálsatorg við Kópavogshálsinn. 

Íbúar eru hvattir til að setja inn hugmyndir sem tengjast upplifun, afþreyingu og aðstöðu á þessum svæðum.  

„Við hjá Kópavogsbæ ætlum að efla menningarhúsin okkar og svæðið í kringum þau. Því viljum við fá íbúa í lið með okkur og vonumst til að fá fjölbreyttar og skemmtilegar hugmyndir inn í þá vinnu sem er framundan í Menningarmiðju Kópavogs. Ég hlakka til að sjá tillögurnar fyrir nýja upplifunarrýmið í Safnahúsinu en við gerum ráð fyrir að hefja framkvæmdir á því rými í byrjun næsta ár. Útisvæðið við menningarhúsin býður einnig upp á marga möguleika og sama má segja um Hálsatorg. Við hvetjum að sjálfsögðu íbúa til að leggja sitt af mörkum til hugmyndasöfnunarinnar og tökum öllum hugmyndum fagnandi.“ segir Ásdís Kristjánsdóttir, bæjarstjóri Kópavogs. 

Hugmyndasöfnum stendur yfir til 14.júlí. Í framhaldinu verður unnið úr hugmyndunum og þær kynntar á opnum degi í menningarhúsunum laugardaginn 9. september. Þar gefst almenningi kostur á að ræða fram komnar hugmyndir og bæta við þær.  

Afrakstur hugmyndasöfnunar og úrvinnsla verður svo gerð aðgengileg á vefsíðu Kópavogsbæjar.

Deildu þessari grein

TENGDIR
VIÐBURÐIR

27
maí
01
jún
08:00

Plöntuskiptimarkaður

Aðalsafn
28
maí
29
maí
30
maí
01
jún
03
jún
08
jún
08:00

Bókamarkaður

Aðalsafn
04
jún
05
jún
11
jún
12
jún
18
jún
19
jún

Sjá meira

NÝJUSTU FRÉTTIR

Aðalsafn

mán-mið
8-18
30. maí
8-19
fös
8-18
lau
11-17
sun
Lokað

Lindasafn

mán-fös
13-18
lau-sun
Lokað

Aðalsafn

mán-mið
8-18
30. maí
8-19
fös
8-18
lau
11-17
sun
Lokað

Lindasafn

mán-fös
13-18
lau-sun
Lokað