Skemmtileg dagskrá á Bókasafni Kópavogs og í Gerðarsafni í tilefni af vetrarfríi í Kópavogi, fimmtudaginn 26. október og föstudaginn 27. október.
Hrekkjavökuföndur og hryllingssögustund, bókamerkjasmiðja og búningaskiptimarkaður, krakkajazz og krakkaleiðsögn.
Öll hjartanlega velkomin á meðan húsrúm leyfir.
Hlökkum til að sjá ykkur.
Fimmtudagur 26.10.
Bókasafn Kópavogs kl. 11
Bókamerkjasmiðja
Litrík og leikandi, skrýtin og skemmtileg. Búum saman til bókamerki úr pappírsbroti.
Bókasafn Kópavogs kl. 12:15
Fjölskyldujazz
Hádegistónleikar fyrir forvitna jazzunnendur á öllum aldri í samstarfi við söngdeild Tónlistarskóla FÍH. Á þessum tónleikum flytja þær Gunnur Arndís, Ragnheiður Silja og Rán Ragnarsdóttir fjölbreytt úrval laga sem öll fjölskyldan getur notið.
Bókasafn Kópavogs kl. 13 Hrekkjavökuskraut
Beinagrind, leðurblaka, könguló og afturganga! Stórskemmtileg hrekkjavökusmiðja.
Lindasafn kl. 13 Hrekkjavökuperl
Notaleg perlustund á Lindasafni þar sem ímyndunaraflið fær að leika lausum hala.
Gerðarsafn kl. 14 Krakkaleiðsögn og listsmiðja
með Erni Alexander Ámundasyni
Föstudagur 27.10
Bókasafn Kópavogs kl. 10:30 Hryllingssögustund
Bókasafn Kópavogs kl. 11 Hrekkjavökuperl
Notaleg perlustund þar sem ímyndunaraflið fær að leika lausum hala.
Gerðarsafn kl. 13 Listsmiðja með Selmu Hreggviðsdóttur
Á Bókasafni Kópavogs, aðalsafni og Lindasafni verður hægt að leita uppi alls konar skrímsli og óvættir í geggjuðum ratleik. Búningaskiptimarkaður á aðalsafni.
Ókeypis er á sýningar í Gerðarsafni fyrir fullorðin í fylgd með börnum í haustfríi.
