Þetta gekk vonum framar, börnin áhugasöm og spurðu svo áhugverðra spurninga, segir Eyrún Ósk Jónsdóttir, verkefnastjóri fræðslu á Bókasafni Kópavogs, en bókasafnið býður nemendum 4. bekkjar í grunnskólum Kópavogs í heimsókn.
Í ár fengum við Bergrúnu Írisi Sævarsdóttir til þess að fara yfir vinnuferlið sitt og ræða um starf rithöfundarins. Bergrún Íris er einstaklega vel til þess að fallin að ræða við nemendurna, hún er mjög opin, fjallar á aðgengilegan hátt um sköpun og sköpunarferlið og vináttuna og mikilvægi hennar. Hún nær einstaklega vel til þeirra og er hvetjandi í svörum sínum.
Við bjóðum nemendurna alltaf velkomin á Bókasafnið en að þessu sinni tókum við á móti þeim í forsal Salarins vegna framkvæmdanna sem eru á bókasafninu. Það eru mjög spennandi tímar framundan og við hlökkum til þess að opna nýja barnadeild í vor ásamt nýrri sýningu Náttúrufræðistofu.
Við þökkum öllum nemendunum og starfsfólki skólanna sem sóttu okkur heim fyrir komuna.
