Börn frá Leikskólanum Urðarhól komu í heimsókn á aðalsafn í dag og stóðu sig vel líkt og endranær. Börnin eru ávallt svo áhugasöm um bækur og sögur og taka virkan þátt í sögustundum og lesa sjálf með miklum tilþrifum, jafnvel þó textinn segir eitthvað allt annað. Myndirnar tala líka sínu máli!
Í lok heimsóknar voru börnin leyst út með bókagjöf til síns góða leikskóla og fleiri leikskólar fá slíka gjöf á næstu dögum. Við vonumst þannig til að bæta við í bókasöfn leikskóla bæjarins svo börnin geti notið sem best. Alltaf gott að hafa meira úrval en minna þó kannski vilji flest börn sína uppáhalds bók bara aftur og aftur.
