Okkur á Bókasafni Kópavogs er annt um ykkar persónuvernd eins og vera ber í dag. Ýmsar breytingar hafa auðvitað fylgt nýjum persónuverndarlögum síðustu ár og munu halda áfram á næstu árum. Nýjasta breytingin hjá okkur er sú að við frátekt á bókum fá lánþegar nú senda númerarunu til að velja rétta bók úr hillunni. Fyrst um sinn verða nöfn lánþega áfram fyrir neðan á miðanum svo auðvelt sé að staðfesta að um rétt eintak sé að ræða. Bókum í frátektarhillu er því núna raðað eftir frátektarnúmeri, ekki nafni lánþega. Það er því mikilvægt að athuga hvaða númer er í tölvupóstinum áður en bókin er tekin úr frátektarhillunni.
Í frátektarhillunni verður áfram sjálfsafgreiðsla en við erum ávallt boðin og búin til að aðstoða svo ekki hika við að tala við starfsfólk á þjónustuborði ef þið lendið í vandræðum. Breytingar taka tíma og við þökkum ykkur fyrir að taka vel í þetta með okkur.
Hér má sjá dæmi um frátektartölvupóst með númerarunu í:
