Klassíski gítarleikarinn Loo Sim Ying frá Malasíu kom í heimsókn til okkar á dögunum og hélt yndislega tónleika fyrir gesti safnsins. Hann kom öllum á óvart með því að kynna sig og lögin á íslensku. Þá spilaði hann nokkur íslensk lög líka. Hann hefur sótt landið fjórum sinnum heim og þegar hann kom hér í fyrsta sinn féll hann fyrir íslenskunni og hefur síðan þá hlustað á eitt íslenskt lag á dag og þannig lært tungumálið. Gestir voru snortnir yfir þessum fallegu tónleikum. Við þökkum Sim Ying kærlega fyrir komuna.
