Bangsadagur á bókasafni

Alþjóðlegur bangsadagur er haldinn hátíðlegur ár hvert á fæðingardegi bandaríkjaforsetans sáluga Theodore „Teddy“ Roosevelt, 27. október.
Á Íslandi hefur sú hefð skapast að almennings- og skólasöfn taka ríkan þátt í hátíðahöldunum og víðast hvar eru bangsar boðnir velkomnir í heimsókn um þetta leiti árs, lesnar eru sögur um bjarndýr og leikir eru leiknir sem minna á Paddington, Bangsímon og Róbert bangsa.
Gréta Björg Ólafsdóttir, sem stýrir barnastarfinu á aðalsafni Bókasafns Kópavogs, segir bangsadaginn skemmtilegan sið. „Yfirleitt rennur bókasafnið svolítið saman við heimilið, þegar fólk fær lánaðar hjá okkur bækur og fer svo með þær heim þar sem þær verða hluti af heimilinu í nokkrar vikur. Í kringum bangsadaginn er tækifæri til að snúa þessu við, og hafa svolítið af heimilinu með sér inn á safnið þegar barn kemur með bangsann sinn og kynnir hann fyrir bókasafninu.“
Á Bókasafni Kópavogs er iðulega haldið upp á daginn með því að hafa getraun á báðum söfnunum í aðdraganda dagsins. Þar er ungum gestum boðið að reyna sig við getraunina og svo er dregið úr réttum svörum þegar bangsadagurinn rennur upp. Vitaskuld eru bangsar í verðlaun.
„Þátttakan var frábær í ár, en 225 svör bárust í getrauninni á aðalsafni og þátttakan var sömuleiðis góð á Lindasafni. Við drógum daginn eftir hinn opinbera bangsadag, þ.e. laugardaginn 28. október,“ segir Gréta, „Þann dag var hrekkjavökuþema í dagskránni hjá okkur, bæði vasaljósasögustund og grímusmiðja og allir velkomnir í búning. Sumum fannst líka gott að bjóða bangsa með sér á safnið – það er alltaf öryggi í því að hafa mjúkan og loðinn vin sér til halds og trausts!“
 
Fréttin er uppfærð útgáfa af texta sem áður birtist í Kópavogsblaðinu

Deildu þessari grein

TENGDIR
VIÐBURÐIR

02
sep
03
sep
14:00

Hannyrðaklúbburinn Kaðlín

Aðalsafn | handavinnuhorn
03
sep
12:15

Leslyndi | Sigríður Hagalín

Aðalsafn | ljóðahorn
04
sep
15:00

Lesið á milli línanna

Aðalsafn | Handavinnuhorn
05
sep
11:00

Get together

Aðalsafn
06
sep
11:30

Lesið fyrir hunda

Aðalsafn
09
sep
10
sep
14:00

Hannyrðaklúbburinn Kaðlín

Aðalsafn | handavinnuhorn
10
sep
16:00

Bókmenntaklúbburinn Hananú!

Aðalsafn | Huldustofa
11
sep
09:00

Bókasafnið í fjölmenningarlegu samfélagi 

Salurinn tónlistarhús, Hamraborg 4
12
sep
11:00

Get together

Aðalsafn

Sjá meira

NÝJUSTU FRÉTTIR

Aðalsafn

mán-fös
8-18
lau
11-17
sun
Lokað

Lindasafn

mán-fös
13-18
lau-sun
Lokað

Aðalsafn

mán-fös
8-18
lau
11-17
sun
Lokað

Lindasafn

mán-fös
13-18
lau-sun
Lokað