Hressir lestrarhestar mættu á aðalsafn á uppskeruhátíð sumarlesturs 22. ágúst. Gunnar Helgason hélt uppi miklu stuði og sagði frá þriðju bókinni um Alexander Daníel Hermann Dawidsson sem verður gefin út í vetur og sýndi krökkunum nokkrar myndir Ránar Flygenring sem munu birtast í bókinni.
Þá voru allra síðustu vinningshafarnir dregnir út úr öllum happamiðum sumarsins.
Hátíðinni lauk svo með glaðningi, poppi og ís!
Takk fyrir sumarlesturinn krakkar, þið stóðuð ykkur ótrúlega vel! Hlökkum til að sjá ykkur í vetur á bókasafninu.
