„Þar sem stjörnukisar og gimsteinaeinhyrningar mæta Stitch, flugvélavélmennum og kappakstursbílum“
Sýning á málverkum barna í leikskólanum Álfaheiði
Velkomin á sýningaropnun föstudaginn 14. ágúst kl. 15:00 í Barnadeild Bókasafns Kópavogs, 1. hæð.
Málverk og blönduð tækni, unnin af börnum í leikskólanum Álfaheiði síðastliðið vor. Börnin eru fædd á árunum 2020-2023 og af öllum deildum leikskólans. Viðfangsefni verkanna er náttúra og landslag og voru unnin í kjölfar heimsókna í Safnahúsið þar sem börnin sáu sýningarnar „Viðnám“ og „Stattu og vertu að steini“. Börnin skoðuðu einnig málverk eftir Stórval og Etel Adnan, en bæði unnu þau einfaldar landslagsmyndir byggðar upp af 3-4 línum sem skipta upp myndfletinum.
Tilgangurinn verkefnisins er að skapa aðstæður þar sem börn geta kannað og þróað sjálfstjáningu sína og öðlast sjálfstraust til að vinna myndrænt úr þeim viðfangsefnum sem þau eru að fást við. Verkin voru unnin undir handleiðslu Unu B. Sigurðardóttur, listgreinakennara. Áhersla var á hæglæti við vinnuna og að gefa börnunum tíma og rými til að gleyma sér í sköpunarferlinu og við það að kanna efniviðinn og gera tilraunir. Börnin höfðu ýmsan efnivið til að vinna úr; málningu, ljósmyndir af fuglum, sand, steina, lím og glimmer.
Verkefnið var styrkt af Þróunarsjóði leikskóla Kópavogs
