Blaðamaðurinn, listamaðurinn og þjóðfélagsrýnirinn Gísli J. Ástþórsson er í brennidepli í hádegiserindi Stefáns Pálssonar sagnfræðings. Gísli var í senn fagmaður á sviði blaðamennsku og þúsundþjalasmiður sem daðraði við fjölda listgreina.
Stefán rekur starfsferil Gísla og setur hann í samhengi við ýmsar breytingar á íslensku samfélagi og í fjölmiðlun – og húmorinn er aldrei langt undan.
Aðgangur er ókeypis og öll hjartanlega velkomin á meðan húsrúm leyfir.
Menning á miðvikudögum er styrkt af lista- og menningarráði Kópavogsbæjar.
Þann 5. apríl 2023 verða 100 ár liðin frá fæðingu Gísla J. Ástþórssonar og af því tilefni blésu afkomendur hans í samvinnu við Bókasafn Kópavogs til sýningar um ævi hans og störf. Sýningin var opnuð í fjölnotasal aðalsafns fimmtudaginn 16. mars og stendur hún til 11. apríl.
