Þann 11. september næstkomandi mun Bókasafn Kópavogs standa fyrir ráðstefnu í fordyri Salarins, tónlistarhúsi (við hliðina á Bókasafni Kópavogs). Ráðstefnan er hugsuð fyrir starfsfólk bókasafna, öll þau sem starfa með innflytjendum, flóttafólki og hælisleitendum og öll önnur sem hafa áhuga á fjölmenningu.
Á vordögum 2024 hlaut Bókasafn Kópavogs styrk frá Bókasafnasjóði fyrir fjölmenningarlegri viðburðaröð og styrk frá Nordplus fyrir þróunar- og samstarfsverkefni milli Bókasafns Kópavogs, Hässleholm City Library í Svíþjóð og Central Library of Lääne County í Eistlandi til að bæta þjónustu við innflytjendur.
Verkefnið sneri að því að koma betur til móts við allan þann fjölbreytta hóp fólks sem heimsækir bókasöfn og þar með virkja innflytjendur betur til þátttöku í „bókasafnssamfélaginu“.
Á ráðstefnunni verður fjallað um niðurstöður verkefnisins, hvað þátttakendur lærðu og hvaða hugmyndir fæddust. Einnig verður farið yfir hvernig bókasöfn geta bætt þjónustu sína við fólk af ólíkum menningaruppruna.
Dagskrá
09:00
Skráning og kaffi
09:20
Kynning á fjölmenningarátaki
Central Library of Lääne County
09:40
Kynning á fjölmenningarverkefni |
Hässleholm City Library
10:00
Innflytjendur eru ekki einsleitur hópur
Soumia Islami Georgsdóttir
10:30
Kaffihlé
11:00
Tónlistaratriði frá innflytjanda
Andres Ramon
11:20
Reid, Eliza eða Eliza Reid?: Skráning íslenskra höfunda af erlendum uppruna
Kristín María Kristinsdóttir
11:40
Fjölmenningarleg viðburðaröð
Bókasafn Kópavogs
12:00
Starfið með GETA
Jorika Trunda
12:20
Hádegismatur á Bókasafni Kópavogs
13:15
Upplestur og spjall
Jakup Stachowiak
13:30
Kynning á pólsku starfi
Bókasafn Hafnarfjarðar
13:45
Hvar er bókakosturinn?
Landskerfi
14:00
Umræður og hugarflug
14:30
Ráðstefnuslit
Ráðstefnan er gestum að kostnaðarlausu. Skráning fer fram hér.
