Leslyndi er viðburðaröð sem hverfist um yndislestur og uppáhaldsbækur. Þjóðþekktir bókaunnendur stíga á stokk og deila eftirlætishöfundum og bókakveikjum með gestum. Ævintýri og ástarsögur, dagbækur og draumráðningar, sígildar sögur og samtímaverk, orðið er frjálst.
Silja Aðalsteinsdóttir kemur á Bókasafn Kópavogs að þessu sinni, nestuð nokkrum uppáhaldsbókum sem hún mun fjalla um.
Aðgangur er ókeypis og öll hjartanlega velkomin á meðan húsrúm leyfir.
Viðburðurinn er styrktur af lista- og menningarráði Kópavogsbæjar.
Leslyndi haustið 2023 á Bókasafni Kópavogs
Miðvikudag, 20. september klukkan 12:15
Pétur Gunnarsson, rithöfundur
Miðvikudag, 11. október, klukkan 12:15
Þórarinn Eldjárn, rithöfundur
Miðvikudag, 8. nóvember, klukkan 12:15
Silja Aðalsteinsdóttir, ritstjóri og þýðandi
Miðvikudag, 29. nóvember, klukkan 12:15
Guðrún Eva Mínervudóttur, rithöfundur
Silja Aðalsteinsdóttir bókmenntafræðingur, þýðandi og ritstjóri lauk BA-próf í íslensku og ensku frá Háskóla Íslands, cand. mag.-próf í íslenskum bókmenntum frá HÍ og námi í uppeldis- og kennslufræði frá HÍ. Hún á að baki fjölbreyttan feril sem ritstjóri, þýðandi, bókmenntafræðingur og höfundur.
Meðal helstu ritverka Silju eru barnabókmenntasagan Íslenskar barnabækur 1780–1979 og ævisögurnar Skáldið sem sólin kyssti, ævisaga Guðmundar Böðvarssonar (1994), Í aðalhlutverki Inga Laxness – Endurminningar Ingibjargar Einarsdóttur (1987) og Bubbi um Bubba Morthens (1990). Fyrir Skáldið sem sólin kyssti hlaut Silja Íslensku bókmenntaverðlaunin og líka, ásamt öðrum, fyrir bókina Kjarval (2005).
Meðal fjölmargra þýðinga Silju má nefna Hroka og hleypidóma eftir Jane Austen, Wuthering Heights eftir Emily Brontë, Lífið að leysa eftir Alice Munro (2014) og Grimms ævintýri fyrir unga og gamla (2015).
Silja hlaut viðurkenningu Íslandsdeildar IBBY fyrir fræðslustörf á sviði barnabókmennta 2001, Íslensku þýðingarverðlaunin árið 2006 og fálkaorðuna fyrir framlag sitt til íslenskra bókmennta árið 2015.
