Teiknismiðjan Glæðum sögurnar lífi undir handleiðslu Begrúnar Írisar Sævarsdóttur mynd- og rithöfundar var haldin í Bókasafni Kópavogs síðastliðinn laugardag. Myndlýsingar eiga greinilega upp á pallborðið hjá yngri kynslóðinni því fullt var út úr dyrum hjá Bergrúnu og starfsfólk bókasafnins þurfti stöðugt að tína til fleiri stóla og teikniblöð. Margir stórkostlegir karakterar rötuðu á blað hjá ungu teiknurunum.
Fjölskyldustundir á laugardögum eru notalegar samverustundir, gjarnan smiðjur, sem fara fram í menningarhúsunum í Kópavogi og eru styrktar af menningar- og mannlífsnefnd.
Næstkomandi laugardag 18. október verður fjölskyldustundin haldin á Lindasafni og mun þá boðið upp á að vefa litríka litla skúlptúra sem kenndir eru við Ojos de Dios, eða augu guðs.
Einnig styttist í vetrarfrí dagana 27.-28. október og verður þá einkar vegleg dagskrá í menningarhúsunum. Hægt verður að föndra eldfjöll, nornir, sjálflýsandi kjaftagelgjur og fuglagrímur svo fátt eitt sé nefnt. Unglingarnir gleymast ekki og geta komið í mangateiknismiðju fyrir 12 ára og eldri. Dagskráin í heild sinni er aðgengileg hér.
