Rithöfundurinn Satu Rämö er fædd og uppalin í Finnlandi en býr á Vestfjörðum og skrifar bækur sem gerast á Íslandi.
Hún heimsækir bókasafnið og segir okkur frá hvernig það er að vera rithöfundur af erlendum uppruna á Íslandi og skrifa bækur sem gerast í íslenskum veruleika á finnsku.
Fyrsta bókin í þríleiknum um vestfirsku lögreglukonuna Hildi kom út á íslensku á dögunum og hefur vakið mikla og verðskuldaða athygli.
Flóra mannlífsins er erindaröð um ólíka menningarheima á Bókasafni Kópavogs og er hluti af verkefninu Bókasafnið í fjölmenningarlegu samfélagi.
Verkefnið er styrkt af bókasafnasjóði og Nordplus og snýr að því að koma betur til móts við allan þann fjölbreytta hóp fólks sem heimsækir bókasafnið okkar og halda blómlegri fjölmenningu á lofti.
Önnur erindi í erindaröðinni Flóra mannlífsins
Friðarheimspeki búddismans: Eyrún Ósk Jónsdóttir rithöfundur er með erindi um friðarheimspeki búddismans en hún er alin upp í búddatrú. ,,Eitt einstakt líf, vegur þyngra en allur alheimurinn.“
Austræn menning / Session on Estern Cultures: Sali Salem Alazzani er með erindi um austræna menningu og þau austrænu menningarsamfélög sem hafa sest að á Íslandi. Sali starfar sem innflytjenda- og flóttamannasérfræðingur hjá fjölmenningardeild Vinnumálastofnunar. Hún er með meistaragráðu í alþjóðlegum samningarviðræðum á átakasvæðum.
Ferð í gegnum arfleifð og persónulega uppgötvun: Jasmina Vajzovic deilir sögum frá heimalandi sínu Bosníu og Hersegóvínu, ræðir helgisiði, hátíðahöld og hversdaglegar venjur sem gera menningu hennar einstaka.
Saga mín
Sigríður Láretta Jónsdóttir ræðir við þrjá innflytjendur og biður þá um að deila sögu sinni.
